Tramp bu əmri verməzdən əvvəl... | Qubernator ABŞ liderinə qarşı çıxdı

ABŞ Müdafiə Nazirliyi etirazlar və iğtişaşlar səbəbindən Kaliforniya ştatının Los-Anceles şəhərinə dəniz piyadaları korpusunun təxminən 700 hərbçisini göndərəcək.

Bu barədə ABŞ Şimal Komandanlığının yaydığı bəyanatda deyilir.

Əmrə əsasən, dəniz piyadaları federal xidmət və departament əməkdaşlarının, həmçinin Los-Ancelesdə və onun ətrafında dövlət əmlakının təhlükəsizliyinin təmin edilməsinə yardım edəcək. Onlar Kaliforniya Milli Qvardiyası ilə qarşılıqlı əlaqədə olacaqlar.

Bu arada, Kaliforniya ştatının qubernatoru Qevin Nyusom bu addımı qeyri-leqal, qeyri-əxlaqi və konstitusiyaya qarşi zidd adlandırıb. O bildirib ki, Prezident belə bir əmr verməzdən əvvəl ştatın qubernatoru ilə razılşdırmalı idi. Demokratlar Partiyasından olan qubernator buna etiraz olaraq Tramp Administrasiyasını məhkəməyə verəcəyini söyləyib.