Tramp dəstəyi kəsərsə, nə olacaq? | Ukraynaya böyük təhlükə

Ağ Evin yeni sahibi Donald Trampın Ukrayna siyasətində kəskin dönüş etməsi ehtimalı qlobal gündəmin əsas mövzusudur. Əgər Vaşinqton Kiyevə hərbi yardımları və kəşfiyyat məlumatlarının ötürülməsini dayandırarsa, bu, cəbhədəki qüvvələr nisbətinə necə təsir edəcək? Baku TV-nin təqdim etdiyi süjetdə Trampın "müharibəni 24 saata bitirmək" vədi fonunda yardımların dondurulması ssenariləri təhlil olunur. Ekspertlərin fikrincə, ABŞ-ın dəstəyi olmadan Ukraynanın hava hücumundan müdafiə sistemləri zəifləyə və Rusiya hərbi üstünlüyü tam ələ keçirə bilər. Avropa ölkələrinin bu boşluğu doldurmaq imkanları, Zelenski administrasiyasının "B planı" və Trampın Moskva ilə gizli danışıqlar apardığına dair iddiaların pərdəarxası məqamları bu süjetdə. Ukrayna üçün "faktiki təslimiyyət", yoxsa "məcburi sülh"? Bütün detallar Baku TV-də.