Tramp jurnalistlərin suallarını cavablandırarkən kimlərə mesaj verdi? - Baku TV
Yeniliklərdən dərhal xəbərdar olun
ABŞ Prezidenti Donald Tramp Rusiya Prezidenti Vladimir Putin və Çin Sədri Si Cinpinlə noyabrın 19-da Çinin Şençjen şəhərində keçiriləcək Asiya-Sakit Okean İqtisadi Əməkdaşlığı sammiti çərçivəsində Ukrayna, İran və nüvə tərksilahı məsələlərini müzakirə etmək niyyətində olduğunu bildirib.
ABŞ lideri bu barədə Filippin və Çinə səfərə yola düşməzdən əvvəl Ağ Evdə jurnalistlərlə söhbəti zamanı danışıb.
“Biz nüvə tərksilahı məsələsini müzakirə edəcəyik. Bu, mürəkkəb mövzudur, çünki hər birimiz üçün nüvə silahlarımızdan imtina edəcəyimizi söyləmək çox çətindir, elə deyilmi? Üstəlik, başqa ölkələr də var. Bununla belə, nüvə tərksilahı məsələsini müzakirə edəcəyik. İran haqqında danışacağıq. İranla işlərimiz çox yaxşı gedir, amma yenə də bu barədə bir qədər söhbət edəcəyik. Ən sevimli mövzum olan Ukrayna haqqında da danışacağıq”, – deyə Donald Tramp əlavə edib.
Üçtərəfli görüşdə iqtisadiyyat və ticarət məsələləri də müzakirə olunacaq. ABŞ Prezidenti sammit çərçivəsində Şimali Koreya lideri Kim Çen Inla danışıqlar aparmaq ehtimalını da istisna etməyib:
“Biz Çinə gedəcəyik və orada Si Cinpinlə görüşəcəyik. O, bir ay əvvəl burada idi. Həmçinin Vladimir Putinlə, bəlkə də Kim Çen Inla görüşəcəyik. Beləliklə, hər şey yaxşı olacaq. Çox şeyə nail olmaq şansımız var”.
Donald Tramp Meksikanın ABŞ-yə istiqamətlənən miqrant axınının qarşısını almaması halında bu ölkənin məhsullarına gömrük rüsumlarının artırılacağını bildirib. Onun sözlərinə görə, Meksika hakimiyyəti miqrantların ABŞ sərhədinə doğru hərəkətini dayandıracağına söz verib:
“Onlar buraya buraxılmayacaqlar və Meksika onları dayandıracaq. Meksika tərəfi bunu edəcəyini bildirib. Əgər dayandırmasalar, Meksikaya qarşı sərt gömrük rüsumları tətbiq edəcəyik”.
ABŞ Prezidenti mümkün rüsumların konkret məbləği və qüvvəyə minəcəyi tarix barədə məlumat verməyib.
#Donald Tramp teqi istifadə olunub
- Tramp Ukrayna müharibəsinə son qoymağa yaxın olduqlarını bildirib
- ABŞ Prezidenti Donald Tramp İrana qarşı sərt xəbərdarlıqla çıxış edib - Baku TV CANLI
- Kremlin sərt tələbləri fonunda Tramp niyə güzəştdən danışır? - Baku TV CANLI
- Trampdan “Müsəlman qardaşları” ilə bağlı yeni açıqlama
- Ukrayna, İran, nüvə silahları: 3 lider hansı məsələdə razılığa gələ bilər? - Baku TV CANLI
