Tramp Müctəba Xamenei haqqında nə danışdı? | ABŞ İrana qoşun göndərir? - Baku TV

Vaşinqton hələlik İsfahandakı nüvə obyektlərini qorumaq üçün İrana Amerika qoşunlarının göndərilməsini düşünmür.

Bu barədə ABŞ Prezidenti Donald Tramp “New York Post” qəzetinə verdiyi müsahibədə bildirib.

“Bu barədə heç bir qərar verməmişik. Biz buna yaxın da deyilik”, – deyə o əlavə edib.

Nəşr həmçinin qeyd edib ki, Amerika lideri İranın yeni Ali Rəhbəri Müctəba Xamenei ilə münasibətləri necə qurmağı planlaşdırdığının təfərrüatlarını açıqlamamağı seçib.

O, yeni Ali Rəhbər olaraq Müctəba Xameneidən məmnun olmadığını bildirib.

“Sizə deməyəcəyəm. Mən ondan məmnun deyiləm”, – deyə Tramp sözlərini yekunlaşdırıb.

Qeyd edək ki, ABŞ və İsrail aviasiyası fevralın 28-dən həyata keçirdikləri birgə əməliyyat nəticəsində İranın 18 əsas aviabazasından 10-nu sıradan çıxarıb. Tehranın Mehrabad Hava Limanında, Təbriz, Şiraz, Konarak, İsfahan, Kirmanşah və Zahedanda yerləşən ən böyük aviabazalar da onların sırasındadır ki, bu da İranın öz taktiki aviasiyasından istifadə imkanlarını əhəmiyyətli dərəcədə azaldıb.