Tramp prezident seçilsə, nələri dəyişəcək? | Xarici diplomatlardan xəbərdarlıq

“NATO-ya üzv olan Avropa ölkələri ABŞ-nin Alyansdan çıxacağı ssenariyə hazır olmalıdır”.

“The Telegraph”ın xəbərinə görə, bu barədə bir sıra xarici diplomatlar xəbərdarlıq ediblər.

Onların təxminlərinə görə, bu variant respublikaçı Donald Trampın prezident seçkisində qalib gələcəyi təqdirdə mümkündür.

“NATO-nun üzvü olan Avropa ölkələrinin paytaxtları Donald Trampın təhdidləri fonunda öz hərbi imkanlarını planlaşdırmalı və yenidən düşünməlidir”, – məlumatda bildirilib.

Qeyd olunub ki, D.Trampın ABŞ-nin NATO-ya üzvlüyü ilə bağlı sözləri böyük narahatlıq doğurur. Digər diplomat qeyd edib ki, mövcud vəziyyət bir daha Avropa İttifaqının NATO-dan hədsiz dərəcədə asılı olduğunu nümayiş etdirib. Üçüncü mənbə Avropa paytaxtlarını hərbi planlaşdırmanı nəzərdən keçirməyə və dövrün tələblərinə uyğun yeniləməyə çağırıb.

Həmçinin D.Trampın ABŞ-ni NATO-dan çıxara və Avropanın müdafiəsindən imtina edə biləcəyi ilə bağlı qorxular da var.