Tramp rəsmən prezident olan kimi yadplanetlilərlə bağlı bunu edəcək

ABŞ konqresmeni Tim Burçett bildirib ki, yenidən ABŞ prezidenti seçilən Donald Tramp yadplanetlilərin həyatı ilə bağlı bütün məxfi sənədləri açıqlamaq niyyətindədir.

O, yanvar ayında vəzifəyə gəldikdən sonra yadplanetlilər, uçan naməlum obyektlər və yadplanetlilərlə təmaslar haqqında indiyədək geniş ictimaiyyətdən gizlədilən məlumatları tam açıqlamağı planlaşdırır.

Konqrsmen əlavə edib ki, hökumət rəsmiləri çox vaxt yadplanetlilərin varlığını inkar edir, dünyanın ən yaxşı pilotları isə öz təyyarələrinin yaxınlığında belə obyektlərlə qarşılaşdıqlarını iddia edirlər.

Burçett Trampla söhbətlərinə əsaslanaraq, amerikalıların belə araşdırmaların nəticələrini qəbul etməyə hazır olduqlarına inandığını bildirib. Bu açıqlamalar Trampın keçən ay podkast aparıcısı Co Roqanla söhbətindən sonra verilib.

Tramp qeyd edib ki, Marsda və ya digər planetlərdə həyatın mövcudluğunu istisna etmək üçün heç bir əsas yoxdur. Onun fikrincə, bəlkə, bunlar bizim heç nə bilmədiyimiz həyat formaları və ya başqa bir məxluq növüdür.

Tramp qeyd edib ki, yerdənkənar həyata maraq artmaqdadır. Onu da etiraf edib ki, əvvəllər yadplanetlilərin varlığına şübhə ilə yanaşırmış, lakin təcrübəli döyüş pilotları ilə söhbətlər onun baxış bucağını dəyişib.

“Bu insanlar etibarlı, görkəmli peşəkarlardır” deyən Tramp pilotların ona qəribə hadisələri, məsələn kometa və ya meteor olmayan uçan yuvarlaq cisimləri təsvir etdiyini və müasir təyyarələrdən, o cümlədən F-22-dən daha sürətli hərəkət etdiyini danışıb.