Tramp Rusiya ilə danışıq aparır ki... | Zelenskidən müharibənin taleyi barədə gözlənilməz açıqlama

“ABŞ Ukraynadakı müharibənin həlli üzrə danışıqlar zamanı Rusiya ilə ərazilər məsələsini müzakirə edir. Lakin Kiyevlə ərazilərlə bağlı heç bir razılaşma yoxdur”.

Bunu Ukrayna Prezidenti Volodimir Zelenski deyib.

“Düşünürəm ki, Amerika tərəfi ruslarla ərazilərlə bağlı danışır. Bizi narahat edən amil budur ki, ABŞ Rusiyaya təsir gücünə malik olsun, əksinə deyil”, ‒ o bildirib.

V.Zelenskinin sözlərinə görə, ABŞ Prezidenti Donald Trampın Rusiya lideri Vladimir Putinə təsir etmək və bu müharibəyə son qoymaq üçün kifayət qədər gücü, alətləri və sanksiyaları var:

“Bununla belə, Kiyev ABŞ və Rusiyanın Ukraynasız Ukrayna ilə bağlı nəsə müzakirə etməsi məsələsindən narahatdır. Onların ərazi məsələsini qaldırması başadüşüləndir. Amma bizimlə ərazilərlə bağlı heç bir razılaşma olmayıb. Onlar bunun həssas məsələ olduğunu bilirlər”.

Ukrayna Prezidenti vurğulayıb ki, Ukrayna əraziləri məsələsi Rusiya-Ukrayna müharibəsinin başa çatması prosesində ən çətin amillərdən biri olub və qalır:

“Bu barədə əvvəldən danışmışam. Ruslarla ən çətin iki məsələ ‒ tam atəşkəs və ərazilər məsələsi olacaq. Ona görə də çətin dialoq olacaq, amma olacaq”.