Tramp şərt qoydu | Avropa Rusiya enerjisindən imtina etməsə...

Ağ Evin yeni sahibi Donald Tramp Avropa paytaxtlarına kəskin xəbərdarlıq göndərib. "Öncə Amerika" strategiyasını enerji sektoruna daşıyan Tramp, Avropa Birliyinin hələ də dolayısı ilə Rusiya enerji resurslarından asılı qalmasını qəbulolunmaz adlandırıb. Baku TV-nin təqdim etdiyi süjetdə bildirilir ki, Tramp administrasiyası Avropanın Rusiya qazından tamamilə imtina edib ABŞ-ın mayeləşdirilmiş təbii qazına (LNG) keçməsini tələb edir. Əks halda, NATO daxilindəki hərbi öhdəliklərin azaldılması və ya Avropa mallarına əlavə gömrük rüsumlarının tətbiqi gündəmdədir. Süjetdə xüsusilə Almaniya və Avstriyanın enerji dilemması, ABŞ-ın qlobal LNG ixracatçısı kimi mövqeyini gücləndirmək planı və bu gərginliyin qlobal enerji qiymətlərinə təsiri təhlil olunur. Avropa Rusiyanın ucuz enerjisindən, yoxsa ABŞ-ın hərbi çətirindən imtina edəcək? Qlobal siyasətin enerji savaşı Baku TV-nin "Dünya" rubrikasında.