Tramp və komandası qəbiristanlığı bir-birinə qatdı | Ölkəni silkələyən xəbər

ABŞ-nin Respublikaçılar Partiyasının prezidentliyə namizədi Donald Tramp ölkə hərbçilərinə hörmətsizlik etməsi ilə gündəmə gəlib.

O, Arlinqton Milli Qəbiristanlığında dəfn olunan hərbçilərin məzarlarının önündə gülərək hər şeyin əla olduğuna işarə edən əl hərəkətini göstərib. Ölkənin Virciniya ştatında baş tutan bu hadisə insanlar tərəfindən ciddi tənqid olunub və onlara qarşı hörmətsizlik kimi qiymətləndirilib.

ABŞ Ordusunun Əfqanıstandan çıxarılması zamanı ölən 13 əsgərin taleyindən söhbət açan D.Trampın bu addımı birmənalı qarşılanmayıb.

D.Trampla yanaşı, ölənlərin ailə üzvləri də eyni formada kamera önünə keçiblər.

Baş verənlər bununla da yekunlaşmayıb. Prezidentliyə namizədin komandasının 2 üzvü qəbiristanlığın əməkdaşı ilə mübahisə edib. Mübahisə çəkilişin aparılması ilə bağlı olub.

Qəbiristanlıq işçisi komanda üzvlərinin çəkiliş aparmasına mane olmağa çalışsa da, o, təhqirlə üzləşib.