Tramp xalqa müraciət edəcək

ABŞ Prezidenti Donald Tramp dekabrın 17-də axşam saatlarında Ağ Evdən xalqa müraciət etmək niyyətində olduğunu açıqlayıb.

O bu barədə "Truth" hesabında məlumat verib.

"Əziz amerikalılar, ölkəyə müraciətlə çıxış edəcəyəm. Çıxış Ağ Evdən canlı yayımla ABŞ-nin Şərq sahili vaxtı ilə saat 21:00-da olacaq. Bu, ölkəmiz üçün möhtəşəm bir il oldu və ən yaxşısı hələ qarşıdadır", – deyə o yazıb.

Tramp çıxışının mövzusu ilə bağlı dəqiq məlumat verməyib. Ağ Evdən isə Trampın xalqa müraciətinin mövzusu açıqlanıb.

ABŞ Prezidenti Donald Tramp gözlənilən xalqa müraciəti zamanı dövlət başçısı kimi əldə etdiyi nailiyyətlərdən danışacaq. Onun müraciətinin mövzusunu Ağ Evin mətbuat katibi Kerolayn Levitt "Fox News" telekanalına verdiyi müsahibədə açıqlayıb.

"Donald Tramp qarşıda bizi nələrin gözlədiyindən danışacaq. O, tez-tez deyir ki, ən yaxşısı hələ qabaqdadır. Buna görə də ölkəyə müraciət edərək ötən il ərzində bütün tarixi nailiyyətlərini açıqlayacaq", – deyə K.Levitt bildirib.

O əlavə edib ki, ABŞ lideri həmçinin 2026-cı ildə hazırlanacaq təşəbbüslər barədə danışa bilər.