Tramp-Zelenski görüşündə ilk dəfə belə hal yaşandı | Ağ Evdən canlı yayım niyə dayandırıldı?

Ukraynanın ictimai televiziyası Ağ Evdən canlı bağlantını hava hücumu siqnalına görə dayandırıb. Kanal əməkdaşları təcili şəkildə bomba sığınacaqlarına keçiblər.

Telekanalın redaktorlarından olan Marina Pehnonun sözlərinə görə, Donald Tramp əvvəllər bu müharibənin dayandırılmasını asan görsə də, indi sülhün əldə olunması mürəkkəb görünür. Onun sözlərinə görə, Zelenski də görüşdə xeyli gərgin idi.

Siren səslərinə görə verilişi yarımçıq dayandırılan aparıcı isə bildirib ki, Tramp bu dəfə daha mehriban görünüb və hətta dialoq zamanı tərəflər arasında təbəssüm də yaranıb. Buna baxmayaraq, brifinqin əvvəlində gərginlik hiss olunub.

Qeyd edək ki, Rusiya gecə saatlarında Ukraynaya PUA hücumu həyata keçirib. Sumı səmasında Poltavaya istiqamətlənən dronlar müşahidə olunub. 40 PUA-dan bir qismi Çerniqov səmasında radarlara düşüb. Dağıntı və itkilər barədə məlumat verilmir.