Trampa sui-qəsd cəhdi edən şəxsin kimliyi bilindi

Rayan Uesli Rut Florida ştatında Respublikaçılar Partiyasından prezidentliyə namizəd Donald Trampa qarşı sui-qəsd cəhdində şübhəli bilinir.

Bu barədə xarici KİV-də məlumat verilib.

Bildirilib ki, Rut avtomatının lüləsini Palm-Biçdə “Trump International Golf Club”un hasarından keçirib. Şübhəli şəxs Amerika administrasiyasının keçmiş rəhbərindən 270-450 m aralıda olub. Hadisə Pensilvaniya ştatının Batler dairəsində baş verib.

Qeyd edək ki, bu, son iki ay ərzində Trampa qarşı edilən ikinci sui-qəsddir. O, bundan öncə iyulun 13-də seçkiqabağı mitinqdə güllələnib. Atəş açan 20 yaşlı amerikalı Tomas Metyu Kruks ABŞ-nin birinci şəxslərini, prezidentliyə namizədləri və keçmiş liderləri qoruyan Məxfi Xidmətin əməkdaşları tərəfindən zərərsizləşdirilib. Federal Təhlükəsizlik Bürosu hər iki hadisəni sui-qəsd cəhdi kimi qiymətləndirib.