Trampdan açıq mesaj | ABŞ-nin Venesueladakı missiyası

"ABŞ Silahlı Qüvvələrinin missiyasına Amerika vətəndaşlarını cinayətkar qruplardan və xarici terror təşkilatlarından qorumaq daxildir".

Bunu Ağ Evin aparat rəhbərinin müavini Stiven Miller ABŞ hərbi gəmilərinin Venesuela sahillərinə yerləşdirilməsi ilə bağlı məlumatı şərh edərkən deyib.

"Prezident Donald Tramp seçki kampaniyasında və prezidentliyinin ilk günündə ilk sərəncamlarında bəyan edib ki, bu yarımkürədə cinayətkar qruplar Amerika xalqı üçün açıq və indiki təhlükə yaradan xarici terror təşkilatlarıdır. Bu planetdə Qərb yarımkürəsində fəaliyyət göstərən cinayətkar kartellər və narkotik tacirlərindən daha çox amerikalının ölümünə görə məsuliyyət daşıyan heç bir təşkilat yoxdur. Prezident açıq şəkildə bildirdi ki, Birləşmiş Ştatlar ordusunun missiyasına xalqı bu xarici terror təşkilatlarından və cinayətkar kartellərdən qorumaq daxildir", ‒ deyə Ağ Evin aparat rəhbərinin müavini vurğulayıb.

"Gördüyünüz şey, Prezident və Birləşmiş Ştatlar ordusunun bizim yarımkürəmizdə narkotik ticarəti təşkilatları, cinayətkar kartellər və bu xarici terror təşkilatları ilə mübarizə aparmaq, həmçinin onları sıradan çıxarmaq əzmidir", ‒ deyə Miller fikirlərini yekunlaşdırıb.