Trampdan gözlənilməz həmlə | Rusiya müharibəni dayandırmağa məcbur qalacaq

Vaşinqtonun Moskvaya qarşı hələ tam istifadə olunmayan rıçaqları var. ABŞ Prezidenti Donald Tramp bu rıçaqlardan istifadə edərək Vladimir Putini Ukraynadakı müharibəni dayandırmağa məcbur etməyə çalışır. “Atlantic Council”ın yazdığına görə, hazırda ABŞ-nin əsas vəzifəsi Qərbin danışıqlarda mövqeyini gücləndirmək və Ukraynada müharibəni dayandırmaq üçün daha çox təsir rıçaqları yaratmaqdır.

Nəşrin analitiklərinin fikrincə, bunların arasında ən təsirlisi İrana qarşı olduğu kimi Rusiya neftinə qarşı da analoji sanksiyaların tətbiqidir. Bu, neft gəlirlərinin Moskvaya axınını demək olar, dərhal dayandıracaq. Nəticədə Rusiya Milli Rifah Fondunun tükənməsi ilə Putinin müharibəyə son qoymaq üçün danışıqlar aparmaqdan başqa yolu qalmayacaq.

Bundan əlavə, Rusiya neftinə ikinci dərəcəli sanksiyaların tətbiqi Hindistan, Çin və digər alıcıları ABŞ sanksiyalarına əməl etməyə məcbur edəcək. Əks halda, onların qlobal maliyyə sisteminə çıxışı itirmək riski yaranacaq. Gözlənilməz nəticələri azaltmaq üçün isə OPEC+ ölkələri hasilatı artıra və bazarda Rusiya neftinin itkisini kompensasiya edə bilər.

Hazırda ABŞ-nin Rusiyaya qarşı iki təsir rıçaqı daha çox enerji məsələsi üzərində qurulub. Burada əsas məsələ Rusiyanın dövlət büdcəsində ən çox paya malik olan neft gəlirlərindən gələn gəlirin qarşısını kəsməkdir. Rusiyanın neft gəlirlərinin kəsilməsi – yəni onu diplomatik basqı vasitəsi kimi istifadə etmək ən güclü rıçaqlardan biridir. ABŞ hazırda dünya nefti üzərində qərar vermək səlahiyyəti çox olduğu üçün bu məsələdə geniş imkanlara malikdir. Buradakı əsas məsələ sanksiyaların təkcə Rusiyaya qarşı tətbiq edilməsi deyil. Həm də rus neftini alan Çin və Hindistan kimi ölkələrin də maliyyə institutlarına və şirkətlərinə qarşı tətbiq edilməsidir.