Trampdan İran və İsrailə təcili mesaj | İsrailin şəhəri şiddətli atəşə tutuldu

İsrailin Beer-Şeva şəhəri atəşə tutulub.

Dağıntılar qeydə alınıb, 5 nəfər ölüb, azı 20 xəsarət alan var.

Yaralananlar daha əvvəl raket zərbəsinə məruz qalan Soroka xəstəxanasına çatdırılıb. Dağıntılar altında axtarışlar davam edir.

Qeyd edək ki, bu hücum İsrail və İran arasında atəşkəs razılığından əvvəl baş verib.

İyunun 24-də gecə saatlarında İranın xarici işlər naziri Abbas Ərağçi bildirmişdi ki, atəşkəs barədə sənəd mövcud deyil, amma İsrail Tehran vaxtı ilə gecə 4-ə kimi hücumları dayandırsa, İran Təl-Əvivə zərbələr endirməyəcək. Çünki həmin saatlara qədər İsrail də Tehran və digər şəhərləri atəşə tutub. Ölən və yaralananlar olub. İndi isə Tehran küçələrində sakitlik hökm sürür, savaş həyəcanı qalmayıb.

Bu arada, ABŞ Prezidenti Donald Tramp tərəflərə atəşkəs çağırışı edib: “Atəşkəs qüvvəyə minib, xahiş edirəm razılaşmanı pozmayın”.