Trampdan İrana sərt xəbərdarlıq | "Ola bilsin ki, bombalamağa məcbur qalaq" - Baku TV

“Vaşinqton İranla hazırlanan qarşılıqlı anlaşma memorandumunun mətnini İsrail tərəfinə təqdim edib”.

Bunu ABŞ Prezidenti Donald Tramp G7 sammitindən sonra keçirilən mətbuat konfransında bildirib.

Onun sözlərinə görə, İranla bazar günü əldə olunan razılaşma yaxın vaxtlarda imzalana bilər.

“Bu sazişin açıqlanması məqsədəuyğundur. Biz onun surətini İsrailə göndərmişik. Onlar bizim yaxşı tərəfdaşımızdır. Sazişin iyunun 18-19-da imzalanması mümkündür. Əgər bu, 60 gün ərzində razılaşma əldə olunmasa, biz bombalamağa başlayacağıq. Ola bilsin ki, bunu etmək məcburiyyətində qalaq, çünki biz onların nüvə silahı əldə etməsinə heç vaxt imkan verməyəcəyik. Mən iqtisadi fəlakəti görmək istəməzdim. Onlara investisiyalar lazımdır, axı biz bir yarım, bəlkə də 2 trilyon dollar məbləğində ziyan vurmuşuq”, – deyə o vurğulayıb.

Trampın sözlərinə görə, İslam İnqilabı Keşikçiləri Korpusunun “Qüds” qüvvələrinin keçmiş komandanı Qasım Süleymaninin ölümündən sonra Tehran ona bərabər səviyyədə yeni lider tapa bilməyib və bu da ölkənin mövqelərinin əhəmiyyətli dərəcədə zəifləməsinə səbəb olub.