Trampdan İranda əks-səda yaradacaq anons | ABŞ hərəkətə keçir! - Baku TV

"Görünür, öldürülməsi lazım olmayan bəzi insanlar öldürülüb. Bunlar zorakılıqdır. Onların lider olub-olmadıqlarını bilmirəm, sadəcə, onu bilirəm ki, zorakılıqla idarə edirlər, amma biz buna çox ciddi yanaşırıq. Ordu bunu izləyir və biz çox güclü variantları müzakirə edirik. Qərar verəcəyik. Amma düşünmürəm ki, etirazçılar oyun oynayırlar. Onlar sadəcə sülh, azadlıq istəyirlər".

Bu sözləri ABŞ Prezidenti Donald Tramp İrandakı etiraz aksiyalarına münasibət bildirərkən deyib.

Artan iğtişaşlara qarşı mümkün hərbi variantlar da daxil olmaqla, bir sıra cavab tədbirlərini nəzərdən keçirdiyini bildirən Tramp həmçinin milyarder İlon Maskla İranda internetin bərpası ilə bağlı danışmaq niyyətindədir:

"Bu barədə danışacağıq. Mümkünsə, interneti işə sala bilərik. İlonla danışa bilərik. Çünki bildiyiniz kimi, o, bu cür işlərdə çox yaxşıdır. Onun çox yaxşı şirkəti var. Ona görə də İlon Maskla danışa bilərik. Sizinlə söhbətimi bitirən kimi ona zəng edəcəyəm".

ABŞ Prezidenti Venesuela rəhbərliyi ilə münasibətlərin "yaxşı inkişaf etdiyini" bildirib. Tramp Venesuelanın müvəqqəti prezidenti Delsi Rodriqeslə nə vaxtsa görüşəcəyini istisna etməyib.