Trampın Ankara görüşünə qatılma səbəbi | ABŞ-dən NATO müttəfiqlərinə sərt çıxış - Baku TV

ABŞ Prezidenti Donald Tramp NATO müttəfiqlərinə sərt ismarış göndərib.

O, Ankarada keçirilən mətbuat konfransında sammitə yalnız Türkiyə Prezidenti Rəcəb Tayyib Ərdoğanın güclü liderliyinə görə qatıldığını etiraf edib və Avropa ölkələrindən narazılığını gizlətməyib.

"NATO-dan çox məyus oldum. Əgər bu görüş dostumun çox güclü liderlik etdiyi Türkiyədə keçirilməsəydi, o zaman iştirak etməzdim. İranda bir iş gördüyümüz üçün bizə yaxşı münasibət göstərilmədi. Heç kimin köməyinə ehtiyacımız yoxdur, amma hələ soruşmamış orada olmayacaqlarını dedilər. Biz onlara kömək edirik, amma onların bizim yanımızda olacağına əmin deyiləm. İtaliya, Almaniya və Fransa bizi rədd etdi", – deyə ABŞ Prezidenti vurğulayıb.

Qeyd edək ki, Avropa ölkələri ABŞ ilə məsləhətləşmədən müharibəyə cəlb olunmaq istəmədiklərini bəyan ediblər.