Trampın lider olması Rusiya-Ukrayna müharibəsini daha da qızışdırdı? | Detallar açıqlandı

Rusiya Prezidenti Vladimir Putin Donald Trampın ABŞ prezidenti seçilməsindən sonra Kursk bölgəsində əks-hücum əməliyyatına qərar verib.

Bu barədə “The Telegraph” nəşri Britaniya kəşfiyyatı və NATO-dakı mənbələrinə istinadla məlumat yayıb.

“Kreml Ukrayna ilə müharibəyə son qoymaqla bağlı danışıqlarda daha güclü mövqe qazanmaq üçün D.Trampın andiçmə mərasimindən əvvəl bölgəni geri almaq istəyir. Məhz buna görə də Rusiya Müdafiə Nazirliyi Rusiya və Şimali Koreya hərbçilərindən ibarət 50 min nəfərlik zərbə qüvvəsini Kursk bölgəsinə göndərib”, – məlumatda qeyd olunub.

“Bild” nəşrinin analitiki Yulian Röpke rus qoşunlarının Ukrayna qüvvələrini çıxarmaq üçün üç gündür Kursk vilayətində böyük əks-hücum əməliyyatı keçirdiyini və böyük itkilər verdiyini bildirmişdi.

Ukrayna Müdafiə Nazirliyinə yaxın olan “DeepState” kanalı Vladimir Putinin regionun sürətli təmizlənməsi barədə bəyanatına baxmayaraq, rus qoşunlarının noyabrın ilk 10 günlüyündə uğur əldə edə bilmədiklərini yazıb.

Qeyd edək ki, Donald Trampın andiçmə mərasiminin 2025-ci ilin yanvarın 20-də keçiriləcəyi bildirilir.