Trampın qərarı yerli sakinlərin də etirazına səbəb oldu | ABŞ-də xaos

Doland Trampın hakimiyyətə gəlişi bir çox ziddiyyətli qanunların qüvvəyə minməsi ilə yadda qaldı.

Belə ki, 100 dən çox əmrə imza atan Prezident xüsusilə diqqəti miqrantların ABŞ-dən çıxarılmasına yönəltdi.

Meksika ilə sərhəddə gərginləşən vəziyyət, perulu qaçqınların həbsi, işçi sayının azalması davamlı küçə etirazlarına səbəb olub.

Fevralın 13-dən etibarən Nyu-York küçələrində “qonşunu qoru” adı altında etiraz dalğası baş qaldırıb. Miqrantlara həm də onların hüquqlarının müdafiəsinə qalxan yerli əhali də dəstək nümayiş etdirib.

Etirazçıların əsas istəyi qanunu pozmayan miqrantların rahat yaşamağının təmin olunmasıdır.

Nyu-York küçələrində şüarlar səsləndirən miqrantlarla polis arasında yaşanan insidentdə 20-yə yaxın adam saxlanılıb.

Etirazçılar qanuna dəyişiklik olunmayana qədər küçə etirazlarını davam etdirəcəklərini bildirirlər.