Pleyeri seçin:
Trampın səfərindən sonra nələr olacaq? - Qəzzada ölənlərin sayı 52 mini keçdi
İsrailin Qəzza zolağına hücumları nəticəsində həyatını itirən fələstinlilərin sayı 52 mini ötüb, 119 min nəfər yaralanıb.
Bu barədə “Reuters” məlumat verib.
İsrail Müdafiə Qüvvələrinin əməliyyatları mayın 8-i gecə yarısından bəri 93 nəfərin ölümünə səbəb olub.
İsrailin müdafiə naziri İsrael Katz mayın 7-də elan edib ki, İsrail Ordusu Qəzzada hərbi əməliyyatlarını genişləndirəcək və anklavın bütün əhalisini ya cənubdakı məhdud əraziyə köçməyə, ya da "könüllü" şəkildə mühacirət etməyə məcbur edəcək.
Qeyd edək ki, İsrailin Təhlükəsizlik Kabineti bu planı təsdiqləyərək planın ABŞ Prezidenti Donald Trampın Yaxın Şərqə səfərindən sonra həyata keçiriləcəyini bildirib.
Kopyalandı
Seçilmişlər
