Trampın sui-qəsddən sonra ilk dəfə açıq havada çıxışı | Sensasiyalı iddia

ABŞ-nin Respublikaçılar Partiyasının prezidentliyə namizədi Donald Tramp sui-qəsd cəhdindən sonra ilk dəfə açıq havada ictimaiyyət qarşısına çıxıb.

Rəqibi Kamala Harris haqqında da danışmağı unutmayan Tramp onun seçilməsinin 3-cü Dünya müharibəsinə səbəb olacağını da deyib.

“4 il əvvəl ölkəmiz güclü idi və heç vaxt olmadığı qədər hörmət sahibi idi. Müttəfiqlərimiz heyranlıqla bizi izləyirdilər. Düşmənlərimiz bizdən qorxurdular, çünki onlar bilirdilər ki, ABŞ prezidenti kimi mən ölkəmi hər şeydən üstün tuturam. Mənim hakimiyyətim altında biz ölkə ordusunu yenidən qurduq, kosmik gücü yaratdıq.

Bilirsiniz ki, biz NATO-ya üz tutduq və onlara borclarını ödəməli olduqlarını dedik. İŞİD-i belə məhv etdik. Sərhədlərimizi qoruduq. Biz Çinlə üz-üzə gəldik. İsraili qoruduq. Yaxın Şərqdə sülhü bərqərar etdik. Ordumuzu geri çağırdıq. Heç kimin eşitmədiyi işlərə imza atdıq. Əgər Kamala bu noyabrda qalib gəlsə, əminəm ki, 3-cü Dünya müharibəsi başlayacaq”, – deyə o bildirib.