Türkiyə Kəşfiyyatı daha bir PKK üzvünü zərərsizləşdirdi

İraqın Süleymaniyyə şəhərinin Pəncəvin çölündə PKK terrorçusu Sadık Şeyx Əhmədi zərərsizləşdirilib.

Bu barədə yerli media məlumat yayıb. Bildirilib ki, Türkiyənin Milli Kəşfiyyat Təşkilatının apardığı araşdırmalarda Sadık Şeyx Əhmədin Türkiyəyə qarşı əməliyyat planlaşdıran Eriş Berxvedan kod adlı terrorçu olduğu müəyyən edilib.

Qeyd edilib ki, sözügedən şəxs Türkiyəyə Suriyada rejim əleyhinə hərəkatlar başlayandan sonra gəlib.

O, 2015-ci ildə yenidən Suriyaya qayıdıb və PKK/YPG tərkibində silahlı fəaliyyətə başlayıb. O, uzun müddət Suriyada təşkilat adından müxtəlif vəzifələrdə fəaliyyət göstərib, sonra İraqa köçüb.