Pleyeri seçin:
Türkiyə mühəndisləri yeniliyə imza atıblar
“Türkiyədə yaradılan yerli radar sistemləri respublikanın bütün hava məkanını 24 saat ərzində izləməyə imkan verəcək”.
Bu barədə ölkənin nəqliyyat naziri Əbdülkadir Uraloğlu məlumat verib.
“Türkiyə mühəndisləri tərəfindən hazırlanmış ilk yerli müşahidə radarı Qaziantep hava limanında quraşdırılıb. Müxtəlif ərazilərdə yerləşdirilməsi planlaşdırılan radar sistemi sayəsində Türkiyənin bütün hava məkanı 1 milyon kvadratkilometr sahədə gecə-gündüz müşahidə oluna bilər. Avropa Hava Hərəkəti Təhlükəsizliyi Təşkilatının tövsiyələrinə uyğun olaraq hazırlanmış MGR radarı Beynəlxalq Mülki Aviasiya Təşkilatının bütün standartlarına cavab verir”, – deyə nazir “X”də yazıb.
Qeyd edək ki, sınaqdan uğurla keçən hava hərəkətinə nəzarət sistemi 112 kilometr mənzilli ilkin müşahidə radarından və 370 kilometr mənzilli ikinci dərəcəli radardan ibarətdir.
Kopyalandı
