Türkiyə siyasətində qalmaqal | Ölkənin vitse-prezidenti boykotlarla bağlı açıqlama verdi

Türkiyənin vitse-prezidenti Cevdet Yılmaz sosial media hesabından İstanbul Böyükşəhər Bələdiyyəsinə qarşı aparılan korrupsiya istintaqından sonra başlayan boykot çağırışları ilə bağlı açıqlama verib.

Bölgədəki geosiyasi və iqtisadi proseslərin daxili qarşıdurmalara qurban verilə bilməyəcək qədər həyati əhəmiyyət daşıdığını vurğulayan C.Yılmaz qlobal siyasət və iqtisadiyyatda qeyri-müəyyənlik və risklər, eləcə də yeni imkanlar dövründən keçdiklərini bildirib.

“Terrorsuz Türkiyə” hədəfi istiqamətində son dərəcə dəyərli bir səy göstərildiyini söyləyən C.Yılmaz bunları qeyd edib:

“Tariximizin ən böyük zəlzələ fəlakətinin yaraları sürətlə sağalır. Biz xalqımızın daimi rifahı üçün iqtisadi proqramımızı qətiyyətlə həyata keçiririk. Gündəliyimiz xarici siyasətdə, demokratiyada və inkişafda zirvəni daha da yüksəltməkdir. Sosial sülh, firavanlıq və milli birlik siyasi institutun ümumi məsuliyyətidir. Demokratiya üçün vazkeçilməz olan müxalifət legitim əsaslarla, konstruktiv təklif və tənqidlərlə həyata keçirilir. Küçə çağırışları və boykotlarla sosial sülhü və iqtisadi sabitliyi hədəfləyən müxalifət itirməyə məhkumdur. Bölücü, təhdid və qütbləşdirici diskurslara söykənən, qanunu tanımayan siyasət tərzi millətimizin tarixində və vicdanında öz əksini tapacaq”.