Türkiyə Ukraynanın bərpasında iştirak edəcək | Baş nazirdən açıqlama

"Ukraynanın bərpası ilə bağlı beynəlxalq danışıqlar sürətləndirilib. Biz ərazilərimizin bərpasında Türkiyə şirkətləri ilə yaxından işləyəcəyik".

Bunu Ukraynanın Kiyev şəhərində keçirilən "Ukrayna-2024-cü il" beynəlxalq forumunda çıxış edən ölkənin Baş naziri Denis Şmıhal deyib.

Onun sözlərinə görə, Türkiyə şirkətləri Ukraynada aktiv çalışırlar:

"Ölkəmizin infrastrukturunun qurulmasına dair Türkiyə şirkətləri ilə çoxlu sayda müqavilələr imzalanıb. Müharibə başlayandan bəri Türkiyə dövləti Ukraynaya böyük kömək edir. Hazırda Ukraynada "Bayraktar"ın zavodu inşa edilir".