Türkiyədə növbəti fəlakət

Zəlzələnin böyük dağıntılara səbəb olduğu Türkiyənin Hatay vilayətində növbəti dəfə təbii fəlakət baş verib.

Belə ki, şiddətli fırtına və yağış zərərçəkənlərin müvəqqəti yerləşdirildiyi bir çox çadıra ziyan vurub. Çadır şəhərciklərin su altında qalmaması üçün səy göstərilsə də, fəsadları aradan qaldırmaq mümkün olmayıb. Qum, qum torbaları və kəndirlə görülən tədbirlərə baxmayaraq, güclü külək nəticəsində onlarla çadır dağılıb, vətəndaşlar isə təhlükəsiz yerə köçürülüblər.

Qeyd edək ki, fırtına gecə yarısından etibarən təsirini azaldıb.