Türkiyədə prezident seçkisi nə vaxt keçiriləcək? - Ərdoğan onların planını pozdu

Türkiyə Prezidenti Rəcəb Tayyib Ərdoğan hökumətin gündəliyinə növbədənkənar prezident və parlament seçkilərinin keçirilməsi məsələsinin daxil olmadığını, səsvermənin 2028-ci ildə Konstitusiyaya uyğun olaraq keçiriləcəyini bildirib.

O, müxalifətdə olan Cümhuriyyət Xalq Partiyasının sədri Özgür Özelin vaxtından əvvəl səsvermə keçirmək çağırışlarına belə cavab verib:

“Konstitusiya və Seçki qanunu dəyişmədiyi üçün prezident və parlament seçkiləri 2028-ci ildə, bələdiyyə seçkiləri isə 2029-cu ildə baş tutacaq”.

Türkiyə lideri hazırda siyasi gündəmdə seçki məsələsinin olmadığını vurğulayıb.

Qeyd edək ki, Türkiyə Prezident Administrasiyasının Kommunikasiya İdarəsinin rəhbəri Fəxrəddin Altun vəzifəsindən azad olunub. Prezident Rəcəb Tayyib Ərdoğan bu barədə müvafiq sərəncam imzalayıb. Ölkə başçısının digər sərəncamı ilə bu vəzifəyə xarici işlər nazirinin köməkçisi Burhanettin Duran gətirilib. Fəxrəddin Altun isə Türkiyə İnsan Haqları Qurumuna rəhbər təyin olunub.