Türkiyədən PKK-ya ağır zərbə | Suriyadakı əməliyyatın detalları

Türkiyə kəşfiyyatı PKK liderlərindən biri olan və “İnterpol” xətti ilə beynəlxalq axtarışa verilən Əli Dinçeri Suriyanın Qamışlı bölgəsində həyata keçirilən əməliyyatla zərərsizləşdirib.

Axtarışda olan Orhan Bingöl ləqəbli Əli Dinçer PKK/YPG-nin Cəzirədə regional komandiri olub.

Məlumata görə, Əli Dinçer PKK-nın həyata keçirdiyi qanlı iğtişaşların təkcə planlayıcısı olmayıb, həmin iğtişaşlarda şəxsən iştirak edib. O, Türkiyə Daxili İşlər Nazirliyinin terrorla bağlı axtarışda olanlar siyahısında qırmızı kateqoriyada idi. Əli Dinçer 1991-1992-ci illərdə terror fəaliyyətinə başlayıb.