Türkiyəni qlobal gücə çevirən lider

Prezident Rəcəb Tayyib Ərdoğanın liderliyi ilə Türkiyə son 20 ildə böyük inkişaf yolu keçib.

Məhz Ərdoğanın siyasəti, diplomatik bacarığı və güclü idarəçilik qabiliyyəti nəticəsində Türkiyə həm regional, həm də qlobal güclər arasında əsas oyunçulardan birinə çevrilib. Əbəs deyil ki, bu gün Türkiyə dünyada söz sahibinə çevrilib, qlobal problemlərin həllində əsas aktorlardan biridir.

Bu gün bütün dünyada Türkiyə ilə hesablaşır və ona hörmət edirlər. Türkiyənin hərbi, siyasi və iqtisadi gücünü indi dünyada hər kəs görür və qəbul edir. Bir sözlə, Türkiyənin son 20 ildə əldə etdiyi uğurlar bilavasitə Prezident R.T.Ərdoğanın adı ilə bağlıdır.

Təbii ki, Türkiyənin nailiyyətlərinin ardında Prezident R.T.Ərdoğanın rəhbərliyi, siyasi əqidəsi və prinsipial mövqeyi dayanır. Bu isə əbəs deyil. Çünki Türkiyənin güclənməsi həm də bütün türk dünyası üçün mühüm nailiyyətləri özündə ehtiva edir.