Ukrayna əgər bunu edəcəksə, biz də müharibəni dayandıracağıq | Putin şərtini açıqladı

“Ukrayna üzrə heç bir sülh müqaviləsi layihəsi olmayıb, müzakirə üçün bir sıra məsələlər olub”.

Bunu Rusiya Prezidenti Vladimir Putin Qırğızıstanda Kollektiv Təhlükəsizlik Müqaviləsi Təşkilatı sammitinin yekunlarına dair mətbuat konfransında bildirib.

Onun sözlərinə görə, Cenevrə danışıqlarından sonra 28 bənddən ibarət sülh planının dörd hissəyə bölünməsi qərara alınıb. O, döyüşlərin dayandırılması üçün şərtini açıqlayıb:

“Biz hələ də müxtəlif yerlərdə döyüş əməliyyatlarının dayandırılması barədə “çağırışlar” alırıq. Ukrayna qoşunları tutduqları ərazilərdən çıxacaqsa, döyüş əməliyyatları da dayanacaq. Çıxmayacaqlarsa, biz buna silahlı yolla nail olacağıq. Rusiya Ukrayna ilə razılığa gəlmək istəyir, lakin bu, hazırda hüquqi cəhətdən mümkün deyil və ən əsası qərarların beynəlxalq səviyyədə tanınmasıdır”.

“Rusiya Qərblə Avropa təhlükəsizliyi və strateji sabitlik məsələlərini müzakirə etməyə hazırdır” deyən Vladimir Putin sonda Rusiyanın Avropaya hücum etmə ehtimalı ilə bağlı iddiaları yalan və cəfəngiyyat adlandırıb.