Ukrayna Fransadan üzr istəməsini tələb edib

Ukraynanın Fransadakı səfiri Vadim Omelçenko həmin ölkənin RTL telekanalının aparıcılarından Volodimir Zelenski ilə bağlı etdikləri zarafatlarına görə üzr istəmələrini tələb edib.

Belə ki, sözügedən telekanalda yayımlanan verilişlərdən birində aparıcı Ukrayna liderinin Yelisey sarayına “öz sirki” ilə gəldiyini deyib. Digər aparıcılar da onun bu uğursuz zarafatına gülməyə başlayıblar.

Məlum hadisə Ukraynada böyük narazılıqla qarşılanıb. Səfir Vadim Omelçenko “Twitter” səhifəsində həmin verilişdən bir parça dərc edib. Bildirib ki, proqramda V.Zelenskinin avropalı siyasətçilərlə görüşləri “Ukraynaya kömək etmək üçün” sirk tamaşasının reklamı kimi səsləndirilir.

“Bu, rüsvayçılıq və nəzakətsizlikdir. Mən Prezidentimdən, öz azadlığı uğrunda mübarizə aparan və əziyyət çəkən Ukrayna xalqından üzr istəmənizi tələb edirəm”, – deyə V.Omelçenko narazılığını bildirib.