Ukrayna hansı ölkələr arasında bölündü? | Medvedev Ukraynanın yeni xəritəsini təqdim etdi
"Sovet İttifaqını dirçəltmək mümkün deyil, lakin Rusiyanın tarixi parçaları vətənə qayıtmalıdır".
Bu sözləri Rusiyanın Təhlükəsizlik Şurasının sədr müavini Dmitri Medvedev Soçidə keçirilən Ümumdünya Gənclər Forumunda çıxış edərkən deyib.
Bildirib ki, “yeni reallığı” qəbul edən istənilən Ukrayna hökuməti ilə danışıqlar mümkün olacaq.
Qeyd edək ki, D.Medvedevin sözügedən tədbirdə çıxışı zamanı arxa fonda yeni xəritə nümayiş olunub ki, həmin xəritədə Ukrayna ərazisi Rusiya, Polşa, Rumıniya və Macarıstan arasında bölünmüş şəkildə göstərilib. Ukraynanın Donbas, Xarkov, Sumı, Xerson, Zaporojye, Çerniqov, Nikolayev, Poltava, Dnepr və Odessa vilayətləri Rusiya ərazisi kimi, Vinitsa və Çernivitsi Rumıniya, Ujqorod Macarıstan, Lvov, İvanı-Fransisk, Lutsk, Rivne, Ternopil, Xmeltenski və Jitomir isə vilayətləri Polşa ərazisi kimi təqdim olunub.