Ukrayna lideri qəzəbli şəkildə Ağ Evi tərk etdi

Ağ Evdə danışıqlar zamanı Donald Tramp və Volodimir Zelenski arasında qarşıdurma yaşanıb.

“Biz III Dünya Müharibəsinin astanasındayıq, amma siz ABŞ-yə və mənə hörmət etmirsiniz. Axmaq Prezident Bayden vasitəsilə sizə 350 milyard dollar və hərbi texnika verdik, əgər bizim hərbi texnikamız olmasaydı, bu müharibə 2 həftədən az vaxta bitərdi. İndi çətin vəziyyətdəsiniz, əlinizdə heç bir güclü kart yoxdur. Biz ölkənizi xilas etmək və savaşı dayandırmaq istəyirik. Siz “mən müharibəni dayandırmaq istəmirəm” deyə bilməzsiniz”, — deyə Tramp səsini ucaldaraq söyləyib.

Bundan başqa, dialoq zamanı Trampın yanında olan vitse-prezident Cey Di Vens Zelenskiyə “Heç bir dəfə də olsun “sağ ol” deyibsiniz?” sualını verib.

Ukrayna Prezidenti Volodimir Zelenski amerikalı həmkarı Donald Trampla gərgin danışıqlardan sonra oval kabineti erkən tərk edib. Bu barədə “Reuters” məlumat yayıb.

Qeyd olunub ki, Ukraynanın dövlət başçısı amerikalı həmkarı ilə işgüzar nahar etməli idi və hər iki lider birgə mətbuat konfransı zamanı minerallar üzrə saziş imzalamağa hazırlaşırdılar. “Fox News” isə yaranan mübahisədən sonra Trampın Zelenskini qovduğunu bildirib.