Ukrayna MN-nin Baş Kəşfiyyat İdarəsinin rəisindən iddia

Rusiya Zaporojye Atom Elektik Stansiyasını minalayıb.

“RBK Ukraina”nın yaydığı məlumata görə, bunu Ukrayna Müdafiə Nazirliyinin Baş Kəşfiyyat İdarəsinin rəisi Kirill Budanov deyib.

O bildirib ki, xüsusilə AES-in soyuducusu minalanıb. “Əgər onu sıradan çıxarsalar, bu, ciddi problemlərlə nəticələnə bilər”, – deyə K.Budanov əlavə edib.

Qeyd edək ki, Rusiya Ordusu Zaporojye AES-i 2022-ci ilin yazında işğal edib. Obyekt Rusiyanın Rosatom şirkəti tərəfindən idarə olunur.