Ukrayna Ordusu Kurskda Şimali Koreya əsgərlərini əsir götürdü
Ukrayna Rusiyanın Kursk vilayətində ilk dəfə Şimali Koreya hərbçilərini əsir götürüb.
Bu barədə Ukrayna Prezidenti Volodimir Zelenski “X”də yazıb.
O bildirib ki, iki əsgər yaralı olsa da, sağ qalıb və Kiyevə aparılıb: “Bu, asan məsələ deyil: Rusiya qüvvələri və Şimali Koreyanın digər hərbi qulluqçuları adətən Şimali Koreyanın Ukraynaya qarşı müharibədə iştirakına dair hər hansı sübutu silmək üçün öz yaralılarını öldürürdülər.
Bu iki şəxsi əsir götürən hərbçilərimizə minnətdaram. Bütün hərbi əsirlərə olduğu kimi, bu iki Şimali Koreya əsgərinə də lazımi tibbi yardım göstərilir. Mən Ukrayna Təhlükəsizlik Xidmətinə jurnalistlərin bu məhbuslarla görüşməsinə icazə verməyi tapşırmışam. Dünya baş verənlərlə bağlı həqiqəti bilməlidir”, – deyə o, paylaşımında bildirib.
#Ukrayna Ordusu teqi istifadə olunub
- Zelenski ABŞ və Rusiyanın eyni mövqedə olduğunu bildirib
- Əks-hücumun iflasında Zelenski günahlandırıldı
- Rusiya Ordusu daha bir neçə ərazini nəzarətə götürdü - Baku TV
- Ukrayna Ordusu Xarkov və Donetsk istiqamətində irəlilədi - Baku TV
- Ukraynanın bu şəhərində dəhşətli gecə | Müharibənin şiddəti artdı - Baku TV
