Pleyeri seçin:
Ukrayna Ordusu Şimali Slobojansk istiqamətində irəlilədi
Ukrayna Ordusu Şimali Slobojansk istiqamətində irəliləyib.
Yerli mətbuatın yaydığı informasiyaya görə, bu barədə ölkənin Silahlı Qüvvələrinin Baş Qərargahı məlumat yayıb.
Bildirilib ki, Ukrayna Silahlı Qüvvələrinin bölmələrinin Şimali Slobojansk istiqamətində müəyyən ərazilərdə irəliləyişi 1 kilometrdən 2,5 kilometrə qədərdir.
Qeyd olunub ki, cəbhənin bu hissəsində Ukrayna hərbçiləri Rusiya qüvvələrinin bölmələrinin məhvi və əhalinin məskunlaşdığı ərazilərin azad olunması istiqamətində aktiv əməliyyatları davam etdirir.
"Rusiya Ordusunun maddi-texniki təminatı, təxliyəsi və bölmələrinin gücləndirilməsinin qarşısını almaq üçün kompleks tədbirlər görülür", − deyə məlumatda bildirilib.
Sumı vilayətinin Alekseyevka və Yunakovka ərazilərində də aktiv əməliyyatların aparıldığı vurğulanır.
Kopyalandı
