Ukrayna PUA-larla Moskvanı hədəfə aldı | Dəhşət dolu anlar yaşandı

Mayın 5-dən 6-na keçən gecə hava hücumundan müdafiə qüvvələri Rusiyanın paytaxtı Moskva şəhəri üzərində Ukraynaya məxsus 19 PUA-nı məhv edib.

Bu barədə ölkənin Müdafiə Nazirliyi məlumat yayıb.

Bildirilib ki, müdafiə qüvvələrinin ayıq-sayıqlığı nəticəsində 5-i axşam saat 21:00-dan səhər saat 04:00-a qədər paytaxta hücum edən bütün dronlar zərərsizləşdirilib.

Rosaviasiyadan bildirilib ki, hava hücumu ilə bağlı azı 10 təyyarə paytaxt hava limanlarının fəaliyyətinə qoyulan məhdudiyyətlər səbəbindən müvəqqəti olaraq Nijni Novqorod və Sankt-Peterburq aeroportlarında enməli olub. Mülki təyyarələrin uçuşlarının təhlükəsizliyini təmin etmək məqsədilə yerli vaxtla saat 00:57-dən etibarən “Vnukovo”, “Domodedovo” və “Jukovski” hava limanlarının fəaliyyəti üçün müvəqqəti məhdudiyyətlər tətbiq edilib. Yerli vaxtla saat 01:15-dən etibarən “Şeremetyevo” hava limanında da analoji məhdudiyyətlər qüvvədə olub və səhər saat 05:00-dan sonra qismən aradan qaldırılıb.

Hazırda hava gəmilərinin enişi və uçuşu ilə bağlı məhdudiyyətlər götürülüb.