Ukrayna Rusiyanı PUA-larla atəşə tutdu | Rusiyadan gözlənilməz cavab zərbəsi

27 may 2025 410 baxış

Rusiya hava hücumundan müdafiə qüvvələri mayın 26-dan 27-nə keçən gecə Ukraynaya məxsus 99 pilotsuz uçuş aparatını məhv edib.

Müdafiə Nazirliyinin məlumatına görə, dronların 56-sı Belqorod, 25-i Voronej, 7-si Vladimir, 5-i Kaluqa, 4-ü Tula, 1-i Rostov, 1-i isə Lipetsk vilayətində zərərsizləşdirilib.

Rosaviasiyadan isə bildirilib ki, hava hücumu ilə bağlı sərnişinlərin təhlükəsizliyinin qorunması məqsədilə 5 hava limanında təyyarələrin eniş və uçuşuna müvəqqəti məhdudiyyətlər qoyulub.

İvanovo, Kaluqa, Nijni Novqorod, Tambov və Yaroslavl hava limanlarının işi mayın 27-si səhər saatlarında bərpa olunub.

Eyni zamanda Rusiya Silahlı Qüvvələri də gecə ərzində Ukrayna ərazilərini kamikadze tipli dronlarla atəşə tutub. Sumı, Poltava, Dnepropetrovsk, Xarkov və Odessa hücuma məruz qalıb.

Sumı şəhər administrasiyasından bildirilib ki, aviazərbələr nəticəsində yaşayış binası, fərdi evlər və avtomobillərə ziyan dəyib.

#Belqorod vilayəti