Ukrayna Rusiyanın 12 yaşayış məntəqəsini atəşə tutdu

Rusiya Ordusu Donetsk vilayətindəki Popov Yar, Zaporojyedə Kamianske və Xarkov istiqamətində Deqtyarnya yaşayış məntəqələrini nəzarətə götürüb.

Bu barədə Rusiya Müdafiə Nazirliyi məlumat yayıb.

Bildirilib ki, hava hücumundan müdafiə sistemləri müxtəlif istiqamətlərdə ümumilikdə 122 Ukrayna dronunu məhv edib.

Ukrayna Hərbi Hava Qüvvələri isə qarşı tərəfin 64 PUA hücumu həyata keçirdiyini, onlardan 36-nın zərərsizləşdirildiyini açıqlayıb.

Bəyanatda həmçinin qeyd olunub ki, Rusiya Ordusunun şəxsi heyəti, silah və hərbi texnikasının cəmləşdiyi 12 hədəf atəşə tutub. Rəsmi Moskva 50 gün ərzində Ukrayna ilə bağlı atəşkəsə razılaşmasa, ABŞ administrasiyası Kremlə qarşı yeni ticarət rüsumları və sanksiyalar tətbiq edəcək. Bu barədə Ağ Evin mətbuat katibi Karolin Levit məlumat verib.

Onun sözlərinə görə, Rusiya ilə neft ticarəti aparan ölkələrə qarşı da sanksiyalar qüvvəyə minəcək. Bu isə təbii ki, Rusiya iqtisadiyyatına ciddi zərbə olacaq.