Ukrayna Rusiyanın böyük şəhərlərini vuracaq

Ukrayna prezidentinin aparat rəhbərinin müşaviri Mixaylo Podolyak Rusiyanın bəzi böyük şəhərlərinə zərbələr vurulacağını bildirib.

O qeyd edib ki, Moskva, Sankt-Peterburq, Yekaterinburq kimi ərköyün, tənbəl, başqa reallıqda yaşadığını düşünən şəhərlər zərbələrə məruz qalacaq.

“Rəsmi olaraq təsdiq edirəm ki, Rusiya Federasiyasında müharibənin daxili eskalasiyası qaçılmazdır və müxtəlif hədəflərə zərbələr endiriləcək” deyən Podolyak zərbənin nə vaxt, kim tərəfindən və hansı səbəbdən endiriləcəyi ilə bağlı açıqlama verməyib.

Ukrayna prezidentinin aparat rəhbərinin müşaviri Ukraynanın bu günə kimi Rusiya ərazisinə zərbə endirmədiyini qeyd edib.