Ukrayna Rusiyanın qarşısını niyə ala bilmir?

Ukraynanın Donetsk vilayətinin Pokrovsk şəhərində vəziyyət gərgin olaraq qalıb və Rusiyanın hücumları artıb.

“DeepState” layihəsinin analitiklərinin sözlərinə görə, Rusiya Pokrovskun bəzi yerlərini nəzarətə götürüb və öz mövqelərini möhkəmləndirir.

“Rusiyanın orada toplanış məntəqəsi və şəhərə daxil olmaq üçün logistikası var. Ukrayna isə bütün mümkün vasitələrlə Rusiya hərbçilərini məhv etməyə çalışır, hücumlarda əsasən qanadlı dronlardan istifadə olunur. Rusiya Ordusu Pokrovsk və Qrişino arasındakı ərazini də nəzarətə götürməyə çalışır”, – deyə məlumatda bildirilir.

Ukrayna Ordusu şəhərin cənub sərhədlərində Rusiya hərbçilərinin qarşısını ala bilmir. Bu isə Pokrovska girişi asanlaşdırır. Mirnoqrad da təhdid altındadır.

Analitiklərin fikrincə, Mirnoqrad dünyadan təcrid olunmuş vəziyyətə düşür deyə Rusiya şəhərin ələ keçirilməsində çətinlik çəkməyəcək. Bunun qarşısını almaq üçün isə Rusiyanı Pokrovskdan tam çıxarmaq lazımdır. Hazırda isə Rusiya hərbçiləri şəhərin bəzi tikililərinə də daxil olublar və döyüşlər gedir.

Şəxsi heyət çatışmazlığı da Ukrayna Ordusunun əsas problemlərindən biridir. Hətta Kiyev təcili müqavilələr bağlamaq fikrindədir. Çünki müharibə başlayandan bəri hərbçilər döyüşür və onlardan bəzilərini əvəzləmək lazımdır.

Bu barədə “The New York Times” yazıb.

Hərbi xidmətə getmək istəyi isə könüllü sayı qədər azalıb. Çünki hərbi xidmətə başlamaq ön xəttə yollanmaqdır. Yeni sistem isə vətəndaşlara 1 ildən 5 ilədək təcili müqavilə bağlamaq şansı yaradır. 2 il və daha uzunmüddətli müqavilə bağlayanlar isə hərbi xidmət bitəndən sonra bir il ərzində orduya çağırılmayacaq.