Ukrayna Rusiyaya hərb dərsi keçdi | Kiyev Moskvanı belə üstələdi!

Rusiyanın Ryazanda neft emalı zavodu və işğal etdiyi Luqanskdakı neft bazası dron hücumuna məruz qalıb.

Ukraynanın pilotsuz sistemlərinin komandanı Robert Brovdi məlumatı təsdiqləyib.

“The War Zone”da yayılan məlumata görə isə Ukraynanın “Bayraktar TB-2” pilotsuz uçuş aparatları Rusiyaya qarşı zərbə mövqelərinə qaytarılıb. Rusiya Hərbi Dəniz Qüvvələrinə aid kater məhv edilib.

Bundan başqa, Rusiya Ordusunun Qara dəniz sahillərində yerləşən hərbi dəstələri atəşə tutulub. 11 hərbçidən 7-si öldürülüb, 4-ü yaralanıb.

“Reallıq yeni qaydalar diktə edir. Kiyev robotların savaşında Moskvanı üstələyir”.

Bu sözlər isə “Forbes”də yayılan məqalədə qeyd olunub. Belə ki, müasir texnologiyalar ön cəbhədə xilas vasitəsinə çevrilir. Donetskdə Sovet İttifaqından qalma köhnə anbarda pilotsuz vasitələr yığılır və bu dronlar cəbhədə həyat əhəmiyyətli missiyaları yerinə yetirir. Pilotsuz nəqliyyat vasitələri silah-sursat daşınması, yaralı təxliyəsi və hücum əməliyyatları həyata keçirir. Bu isə əsgər ölümləri riskini azaldır.