Ukrayna sağ göstərib, sol vurur? | Cəbhədə vəziyyət kökündən dəyişdi

Rusiya Ordusu Ukraynaya hava zərbələri endirib. Ukraynanın 142 rayonu hücuma məruz qalıb.

Rusiya Müdafiə Nazirliyinin məlumatına görə, Ukrayna Ordusunun dron buraxılış məntəqələri və hərbçilərin müvəqqəti yerləşdiyi ərazilər hədəf alınıb.

Zərbələr nəticəsində Ukraynanın tankları, artilleriyası sıradan çıxarılıb. Həmçinin radioelektron stansiyası və silah-sursat anbarının vurulduğu qeyd olunub.

Rusiyanın hava hücumundan müdafiə qüvvələri Ukraynanın 6 aviabombasını, bir “Neptun” raketini və 191 dronunu məhv edib.

Ukrayna Silahlı Qüvvələrinin Baş Qərargahı isə Krımda xüsusi əməliyyat keçirildiyini açıqlayıb. Rusiya Ordusunun təminatı ilə məşğul olan maddi-texniki baza məhv edilib.

O ki qaldı Rusiyanın Zaporojye və Dnepropetrovskun kəndlərini işğal etməsinə, Kiyev Moskvanın bu məlumatını cəfəngiyyat adlandırıb. Çünki Ukrayna Ordusu rusiyalı hərbçilərin qarşısını alıb və onlar deyilən istiqamətlərdə irəliləyə bilməyiblər.