Ukrayna üçün ən dəhşətli məqam | Rusiyaya qarşı “50 günlük ultimatum”un arxasında nə dayanır?

“Donald Trampın rusiyalı həmkarı Vladimir Putinə 50 günlük ultimatumu, əslində, eskalasiya üçün verilən vaxtdır. Çünki sanksiyaların gecikməsi Rusiyaya daha çox raket istehsal etməyə şərait yaradır”.

Bunu “The Atlantic”ə açıqlamasında Şotlandiyanın Sent-Endryus Universitetinin tədqiqatçısı Fillips O'Brayan bildirib.

Onun sözlərinə görə, 2022-ci ildə Rusiyanın bir gecədə Ukraynaya 700 PUA və raketlərlə hücumu mümkünsüz sayılırdısa, hazırda bu baş verir. Rusiyanın hava hücumu vasitələrinin artacağı proqnozlaşdırılır. Belə olan təqdirdə Ukrayna nə qədər Hava Hücumundan Müdafiə sistemləri ilə təchiz olunsa da, bütün dron və raketləri zərərsizləşdirə bilməyəcək.

“Rusiyanın Quru Qoşunları əsgərlərinin həyatları bahasına olsa da, Ukraynaya aid yaşayış məntəqələrini nəzarətə götürəcək. D.Trampın 50 gündən sonra Rusiyaya təzyiq göstərəcəyi gerçəkdirsə, bu, V.Putini daha çox Ukrayna ərazisini ələ keçirməyə sövq etdirəcək”, ‒ deyə Fillips O'Brayan xəbərdarlıq edib.