Ukrayna uzaqmənzilli silahları işə salır? | Zaxarovadan bütün dünyaya xəbərdarlıq

“Qərb ölkələri Ukraynanın Rusiyanın dinc sakinlərinə qarşı törətdiyi terror aktlarını açıq şəkildə dəstəklədiklərini bildirirlər”.

Bunu Rusiya Xarici İşlər Nazirliyinin rəsmi nümayəndəsi Mariya Zaxarova IV Avrasiya Qadın Forumu çərçivəsində keçirilən brifinqdə bildirib.

O qeyd edib ki, Qərb Ukraynadan oyuncaq kimi istifadə edir.

“Bu məqsədlə onlar Kiyevi silah və pulla təmin edirlər, həmçinin digər ölkələri də bu prosesə cəlb etməyə çalışırlar”, – deyən M.Zaxarova əlavə edib ki, əgər Ukrayna Silahlı Qüvvələri Rusiyaya qarşı Qərbin uzaqmənzilli silahlarından istifadə edərsə, münaqişə tamamilə fərqli miqyas ala bilər, bu isə öz növbəsində böyük fəsadlarla nəticələnəcək.