Ukraynada bütün hərbi komissarlar istefaya göndərildi

12 avqust 2023 46 baxış

Ukraynada bütün vilayət hərbi komissarları işdən azad edilib.

Bu barədə ölkə Prezidenti Volodimir Zelenski Milli Təhlükəsizlik və Müdafiə Şurasının keçirdiyi iclasında bildirib.

Dövlət başçısının sözlərinə görə, o, bu qərarı ölkənin hərbi komissarlıqlarının yoxlanışından sonra qəbul edib. Yeni hərbi komissarları Ukrayna Silahlı Qüvvələrinin Baş Komandanı Valeriy Zalujnı təyin edəcək və həmin şəxslər təyin olunmazdan öncə onları təhlükəsizlik xidməti yoxlayacaq.

“Müharibənin nə olduğunu, rüşvətin vətənə xəyanət demək olduğunu bilən insanlar bu sistemi idarə etməlidir. Bu iş ön cəbhədə döyüşüb sağlamlığını itirdiyinə görə səngərdə ola bilməyən, lakin ləyaqətini qoruyub saxlayan hərbçilərə həvalə oluna bilər”, – deyə V.Zelenski bildirib.

Ukraynalı lider onu da qeyd edib ki, hərbi komissarlıq rəislərinə qarşı ümumilikdə 112 cinayət işi açılıb və hadisə ilə bağlı 33 şübhəli fakt var.

#Ukrayna