Ukraynadan Rusiyaya ağır zərbə

Ukraynanın işğal altındakı Donetsk vilayətinin Makeyevka şəhərinə zərbəsi nəticəsində 63 rusiyalı hərbçi ölüb.

Bu barədə Rusiya Müdafiə Nazirliyi məlumat yayıb. Bildirilib ki, zərbənin rusiyalı hərbçilərin yerləşdiyi əraziyə endirildiyi vurğulanıb.

Açıqlamada qeyd olunur ki, Kiyev rejimi Donetsk Xalq Respublikasının Makeyevka yaşayış məntəqəsində Rusiya silahlı qüvvələrinin bölmələrindən birinin müvəqqəti yerləşdirilmə məntəqəsinə ABŞ istehsalı olan HIMARS reaktiv yaylım atəş sisteminin altı raketi ilə zərbə endirib.

“Müvəqqəti dislokasiya məntəqəsinin yüksək partlayıcı döyüş başlığına malik dörd raketin zərbəsi nəticəsində 63 rusiyalı hərbçi həlak olub”, - deyə məlumatda bildirilib.

Rusiya Müdafiə Nazirliyi iki HIMARS raketinin Rusiya hava hücumundan müdafiə sistemləri tərəfindən vurulduğunu qeyd edib.