Ukraynadan Rusiyaya cəhənnəm yaşadan zərbələr! | “Lukoil”un obyektləri vuruldu!

Rusiya və Ukrayna arasında sutka ərzində 141 hərbi toqquşma qeydə alınıb. Döyüşlərdən 32-si Pokrovsk istiqamətində olub.

Ukrayna silahlı qüvvələri Rusiya ordusunun 890 hərbçisini öldürüb, 380 texnika məhv edilib.

Rusiyanın Leninqrad vilayəti hücuma məruz qallıb. Sankt-Peterburqun cənubu ilə dəmiryol əlaqəsini təmin edən Tosno şəhərinə zərbələr endirilib. Pulkova Hava Limanı “xalça rejimi”nə keçib, 36 uçuş, 12 eniş yubanıb. Eyni vəziyyət “Yaroslavl”, “Kaluqa”, “İvanovo” və “Pskov” aeroportlarında da yaşanıb. Moskvanın meri Sergey Sobyanin Ukraynaya aid 5 PUA-nın vurulduğunu açıqlayıb. Smolenskdə partlayış və yanğınlar baş verib. “Lukoil”un obyektləri dron hücumuna məruz qalıb. Rusiyanın neft limanı olan Primorsk da atəşə tutulub.

Rusiya Müdafiə Nazirliyinin məlumatına görə, hava hücumundan müdafiə sistemləri sutka ərzində Ukraynaya aid 221 dronu zərərsizləşdirib. PUA-lar Bryansk, Smolensk, Leninqrad, Kaluqa, Novqorod, Moskva, Orlov, Belqorod, Rostov, Tver, Pskov, Tula və Kursk üzərində vurulub.