Ukraynadan Rusiyaya növbəti PUA hücumu

Ukrayna Silahlı Qüvvələri Rusiyanın iki strateji obyektinə pilotsuz uçuş aparatları ilə zərbələr endirib.

Avia hücumlar nəticəsində Leninqrad vilayətindəki ən böyük neft terminallarından biri olan Ust-Luga Oil fəaliyyətini dayandırıb. Ölkənin ən yeni və əhəmiyyətli terminallarından olan bu strateji obyekt Rusiya qoşunlarını yanacaqla təmin edirdi.

İkinci hədəf isə Baltik dənizi sahilində yerləşən Ust-Luqadakı təbii qaz şirkəti olub. PUA ilə edilən iki hücumdan sonra bu zavod da öz işini dayandırıb. Ukraynanın bu hücumu federasiyaya əhəmiyyətli dərəcədə maddi ziyan vurub.

Bununla da Rusiyanın hava hücumundan müdafiə sistemindəki boşluqlar növbəti dəfə üzə çıxıb. Yerli mediada bu nöqsanlar şərh edilərək orduya irad bildirilib. Qeyd edilib ki, arxa cəbhəni qorumaq üçün hava hücumundan müdafiə sistemi gücləndirilməlidir.